Netfairwork 2024

Պահպանելով լավագույն ավանդույթը՝ Էդունեթվորքն այս տարի շարունակում է կազմակերպել կրթական Netfairwork տոնավաճառը։ Հոկտեմբերի 11-ից 12-ը Երևանում միավորելու ենք միջազգային լավագույն կրթական հաստատությունների ներկայացուցիչներին և հայ դիմորդներին՝ ուղղորդելու կրթական ճիշտ ճանապարհի ընտրության հարցում։
Տոնավաճառին մասնակցությունը լիովին ԱՆՎՃԱՐ է։

Նախաձեռնության նպատակը տեղական և միջազգային գործընկեր հաստատությունների հետ ստեղծված երկարատև կապերը աշակերտների և ուսանողների օգտին օգտագործելն է։ Այս տարի նաև ընդգծելու ենք արագ փոփոխվող աշխարհի միտումներն ու երիտասարդներին ներկայացնելու ենք արտերկրում կրթություն ստանալու հնարավոր նրբություններն ու փոփոխվող երանգները։

Netfairwork 2024-ի սիմվոլը

Այս տարվա Netfairwork-ի սիմվոլը քամելեոն Նեթն է։

Որպես Netfairwork-ի 5-րդ տոնավաճառի սիմվոլ՝ Քամելեոն Նեթը մարմնավորում է  արագ փոփոխվող ժամանակաշրջանը, որտեղ յուրաքանչյուրը կարող է գտնել իր պատկերացումներին ու ցանկություններին համապատասխան կրթական ուղղություն կամ հաստատություն և ադապտացնել իր կրթական նպատակները այդ ուղղուն:

Տոնավաճառի համար ընտրել ենք «Բացահայտի’ր կրթության քո գույները» կարգախոսը, քանի որ վստահ ենք՝ Netfairwork-ը լինելու է այն կարևոր հարթակը, որտեղ դուք բացահայտելու եք և գտնելու եք ձեր պատկերացումներին և կրթական աշխարհի փոփոխվող թրենդներին համապատասխան առաջարկ։

Այս տարի ունենք նաև նորույթ։ Էդունեթվորքը տոնավաճառի ընթացքում կազմակերպում է բացառիկ թրեյնինգային շարք, որի շրջանակում դուք կարողանալու եք հստակ պատկերացնել և սովորել արտերկրում ԲՈՒՀ ընդունվելու հնարավոր քայլերը՝ ինքնուրույն դիմելու համար։ Յուրաքանչյուր թրեյնինգ տևելու է 50 րոպե և կազմակերպվելու է ոլորտի հմուտ մասնագետների կողմից։

Միասին կընղմվենք կրթաթոշակային ծրագրերի, եվրոպական պետական համալսարանների, ամերիկյան կրթական հնարավորությունների և բիզնեսի հնարավորությունների աշխարհ։ Եթե հետաքրքրեց, ապա բաց մի թող քո հնարավորությունը, գրանցվի՛ր հիմա։

Ինչպե՞ս կառուցել անձնական բրենդը (իմիջը)․

• • մասնագիտական կողմնորոշման թեսթ
  • մոտիվացիոն նամակների կազմում
  • CV-ի կազմում
  • հարցազրույցի պատրաստում
    • Լեզու՝ հայերեն
    • Խոսնակներ՝
      Սաթինե Ղարաքեշիշյան՝ Էդունեթվորքի հիմնադիր-տնօրեն
      Օվսաննա Հովհաննիսյան՝ Էդունեթվորք խորհրդատվական կազմակերպության ավագ խորհրդատու

• Գերմանական, իտալական, ավստրիական և ֆրանսիական պետական համալսարանների դիմելու գործընթացի և հնարավոր կրթաթոշակների ծանոթացում

  • • Լեզու՝ հայերեն
    • Խոսնակներ՝
      Ժաննա Աթանեսյան՝ Իտալիայի Սիենա համալսարանի սան
      Սերժ Խաչատրյան՝ Փարիզի Սակլեյ համալսարանի սան
      Լուսինե Շահվերդյան՝ Դեգենդորֆի տեխնոլոգիական ինստիտուտի շրջանավարտ

• ԱՄՆ-ում ուսուցում և ճանապարհ դեպի լիարժեք կրթաթոշակ

  • • Խոսնակ՝ Հարվարդի սան՝ հաստատման ենթակա
    • Լեզու՝ հայերեն

• Բաց դաս HULT International School-ի դասախոսի հետ

  • Թեմա՝ հաստատման ենթակա
    • Խոսնակներ՝ հաստատման ենթակա
  • • Լեզու՝ անգլերեն

Գործընկեր համալսարաններ

GEDU Global Education-ը միջազգային կրթական կազմակերպություն է, որին անդամակցում են EMA Paris, GBS Dubai և Շիլլեր միջազգային համալսարանը։ Այս հաստատությունները առաջարկում են ավագ դպրոցից մինչև գիտական աստիճանի կրթական ծրագրեր՝ ուսանողներին ապահովելով բարձրորակ կրթություն և գլոբալ հնարավորություններ:

Hult International Business School-ը մասնավոր լավագույն բիզնես դպրոցներից է, որն ունի ճյուղեր Լոնդոնում, Սան Ֆրանցիսկոյում, Դուբայում, Նյու Յորքում և Քեմբրիջում: Ըստ Financial Times-ի և QS World University Rankings-ի՝ դպրոցը համարվում է կրթական ոլորտի առաջատարներից իր բիզնես կառավարման և վարչարության ուսումնական ծրագրերով։

Navitas-ը հանդիսանում է ուսանողների և համալսարանների միջև կամուրջ՝ ապահովելով բացառիկ միջազգային բարձրագույն կրթության փորձ տարբեր երկրներում։ Ցուցահանդեսի ընթացքում կներկայացվեն հետևյալ 5 կանադական համալսարաններ՝ Simon Fraser University, University of Lethbridge, University of Manitoba, Wilfrid Laurier University, Toronto Metropolitan University։

INTO University Partnerships կազմակերպությունը համագործակցում է միջազգային համալսարանների հետ Միացյալ Թագավորությունում, Ավստրալիայում և ԱՄՆ-ում։ INTO-ն ուսանողներին առաջարկում է միջազգային նախապատրաստական ծրագրերի լայն շրջանակ՝ տալով հնարավորություն հետագայում իրենց կրթությունը շարունակելու բարձր վարկանիշ ունեցող հեղինակավոր միջազգային համալսարաններում։

Chevening կրթաթոշակային ծրագրերը լիովին ֆինանսավորում են մեկ տարի Մեծ Բրիտանիայում մագիստրոսական կրթություն ստանալու համար: Կրթաթոշակները ներառում են թռիչքներ, կացություն և ուսման վարձեր։ Ուսանողները զարգացնում են մասնագիտական և ակադեմիական հմտություններ, ծանոթանում են մշակույթին և ստեղծում երկարաժամկետ կապեր։ Ավարտից հետո նրանք վերադառնում են իրենց երկրներ՝ զինված նոր գիտելիքներով և կապերով՝ կյանքի կոչելու իրենց գաղափարները։

Educational Center Association կրթական կենտրոնը իրականացնում է նախապատրաստական կուրսեր Չեխիայի պետական համալսարաններում սովորել ցանկացողների համար։ Կենտրոնը հանդիսանում է  Յան Էվանգելիստա Պուրկինեի համալսարանի Շարունակական կրթության կենտրոնի մասնաճյուղ և իրականացնում է կարճաժամկետ ծրագրեր աշխարհի տարբեր երկրներից ժամանած սաների համար :